21
Xornada intensa de afluencia de público e de vendas nos concesionarios participantes nesta edición de Berocasión, edición atípica por culpa do coronavirus que levou a transformar a feira en xornadas de portas abertas polos establecementos. Aínda queda ata as 8 da tarde de hoxe domingo para poder facernos con algún dos automóbiles en oferta que ofrecen os 11 establecementos participantes nesta edición, Automóbiles Dimolk-Peugeot, Baleato Motor-Renault, Rebalcars, Antamotor- Nissan, Corgal Automóbiles- Kia, Vilas Rama-Citröen, V-Car, Automóbiles Juan Lema, Bercauto, Breogán Motor-Toyota e JGCar. Nas súas exposicións atoparemos vehículos de Km.0, seminovos, industriais, de ocasión, nacionais ou de importación.