0
A alcaldesa, Sandra Insua, recibiu a un grupo de portugueses que viaxaron ata Camariñas para coñecer de preto o seu patrimonio natural, prestando especial atención á súa marabillosa zona de Trece, dentro dun seminario intercional denominado «A camarinha em Caminha e na Galiza».
Durante a súa visita, organizada pola asociación COREMA (Associação de Defesa do Património de Caminha) e do centro MARE (Centro de Ciências do Mar e do Ambiente), estiveron acompañados pola asociación Mar de Fábula, unindo forzas e compartindo coñecementos co obxectivo común de poñer en valor, estudar e protexer a planta que lle dá nome á vila: a camariña (Corema album).