0
O suceso ocorreu no lugar do Priorato pouco despois das 11 da mañá deste martes. Todo parece indicar que unha árbore que estaba cortando lle caeu enriba e, ao tratar de esquivala, caeu e cortouse coa súa propia motoserra. Ata a zona acudiron efectivos do 061 e persoal médico da Laracha. Tamén a Garda Civil, Protección Civil e Policía Local. A pesar dos esforzos, o persoal sanitario non conseguiu salvarlle a vida. O corpo foi trasladado ao Instituto de Medicina Legal de Galicia para facerlle a autopsia.