- A actividade, impartida pola carballesa Garviñe Edreira, ofrecerá ás persoas participantes a oportunidade de aprender a elaborar e utilizar produtos naturais para o coidado da pel. O prazo de inscrición permanecerá aberto ata o 10 de novembro.
A asociación Íntegro organiza o xoves 12 de novembro, un obradoiro de cosmética natural da man de Garviñe Edreira. A actividade terá lugar nas instalacións da entidade, en horario de 15:30 a 16:30 horas, e está dirixida a todas aquelas persoas interesadas en descubrir alternativas naturais para o coidado da pel.
A proposta busca combinar aprendizaxe e benestar nun ambiente distendido, ofrecendo ás persoas asistentes a posibilidade de coñecer produtos naturais e novas opcións para incorporar ao seu coidado persoal, ao tempo que desfrutan dun momento de relaxación e convivencia en grupo.
A participación terá un custo de 5 euros, que se aboarán en efectivo o mesmo día do obradoiro. Ademais, as persoas asistentes terán a opción de adquirir produtos durante a actividade.
Inscricións abertas
As persoas interesadas en participar poden formalizar a súa inscrición a través do correo electrónico info@integro.es ou nos teléfonos 981 734 985 e 650 961 649.