Na Asociación Cultural Arume de Verdillo continuan coa programación do mes das letras galegas. Este domingo 24 de maio celebrarán a IV Xuntanza de Acordeóns ás 17.00 horas no local social de Verdillo coa finalidade de poñer en valor a presenza do acordeón na música tradicional. As aulas de acordeón, impartidas por Fran Barcia, constitúen un piar esencial dentro da asociación que conta cun amplo número de alumnos que vai en aumento cada curso. Polo tanto desexan ensalzar a importancia do acordeón e dos seus acordeonistas neste evento.
Nesta cuarta edición desta xuntanza ademáis dos grupos de acordeón da A. C. Arume de Verdillo, contarán coa presenza dos acordeonistas da A. C. Pena Maior de Marrozos, A.C. Adro de Baio e Amigos do Acordeón de Oroso (Sigüeiro).
0