Un home de 64 anos perdeu a vida este luns tras sufrir un accidente co tractor que conducía en Baldaio, Carballo. O suceso acontecía ao redor das nove da noite preto do lugar de Sambade na parroquia de Rebordelos, segundo informou o 112 Galicia. A alerta chegou aos servizos de emerxencia a través dun aviso dun particular que comunicou que a vítima se atopaba atrapada baixo o vehículo agrícola. Inmediatamente activouse o protocolo de actuación correspondente para este tipo de sinistros. Ata o lugar do accidente desprazáronse múltiples efectivos, incluíndo profesionais do Servizo de Urxencias Sanitarias de Galicia-061, os Bombeiros de Carballo, axentes da Garda Civil, membros da Policía Local e efectivos do Servizo Municipal de Protección Civil da localidade. Pero aínda así, unha vez chegaron ao punto onde se produciu o sinistro, os Bombeiros procederon a liberar á persoa, que xa falecera como consecuencia do fatal accidente co tractor.
0