Tivo que remontar o equipo ourensán de Borja Fernández o tanto inicial de Tass pero cos goles de Puíme, Manu Núñez e Champi de penalti provocou o delirio dos afeccionados que se achegaron desde Ourense ata Carballo. Con este resultado a Unión Deportiva Ourense xogará a fase de ascenso a Primeira RFEF. Mantén a terceira praza e pode aspirar ao segundo posto que ocupa o Oviedo Vetusta. Deste xeito o peor parado foi o Bergantiños FC, que, todo hai que dicilo, colleitou a súa terceira derrota consecutiva en As Eiroas. Deste modo as súas posibilidades de descender na última xornada son escasas, pero o equipo carballés terá que sacar algo positivo ante o xa desafiuzado Unión Deportiva Sámano para evitar carambolas de última hora que lle poidan complicar a permanencia na categoría.
6