Esta fin de semana do 6 e 7 de Xuño o asturiano Nicolás De Las Heras (Avilés, 1964), subcampión absoluto do mundo de ultrafondo, vén gozar do reto individual do Ultra Trail O Camiño dos Faros. Por diante 200 quilómetros de esforzo co obxectivo de chegar a Fisterra por un motivo solidario.
Un currículo envexable dun gran corredor e mellor persoa. O reto de Nico de las Heras neste Ultra Trail O Camiño dos Faros comezará o sábado 6 de xuño ás 6.30 da mañá no Porto de Malpica. Durante o percorrido varios dos mellores ultrarunners da Costa da Morte e da provincia irán acompañandoo.
Tanto nas redes sociais de O Camiño dos Faros como nas do Camiño de Rober contra o cancro irase informando puntualmente dos horarios de paso por cada poboación e desta impresionante aventura no seu camiño ata Fisterra