0
Será entre a rotonda de Sabón e a glorieta de Meicende, e conta cun orzamento de 1,5 millóns de euros. Substituiranse arredor de 200 puntos de luz por novas luminarias LED de alta eficiencia. Reducirase o consumo enerxético nun 67%, mellorando a sustentabilidade e o aforro económico. Reforzarase a seguridade viaria con melloras específicas nos pasos de peóns. Renovaranse os cadros eléctricos e adaptarase toda a instalación á normativa vixente. A nova rede será intelixente e permitirá a súa xestión a distancia, facilitando a detección de incidencias e o control dos consumos en tempo real. As novas farolas incorporarán sensores para monitorizar datos ambientais como a temperatura, a humidade, a calidade do aire e os niveis de ruído.