Fíxoo para poder concorrer ás eleccións xerais do 29 de novembro nas listas do PP. Fabiola concorrerá como número dous ao Congreso pola circunscrición da Coruña, tras o secretario xeral do partido, Miguel Tellado. A lei electoral prohibe que os conselleiros autonómicos poidan exercer simultaneamente como deputados estatais.
Fabiola García Martínez naceu en Ribeira en 1985. É licenciada en Dereito pola Universidade de Santiago de Compostela. Iniciou a súa carreira política no ámbito municipal, sendo desde 2015 primeira tenente de alcalde e concelleira de Administración, Transparencia, Participación Cidadá, Promoción Económica e Cultura do Concello de Ribeira.
Entre 2016 e 2018 foi directora xeral de Maiores e Persoas con Discapacidade da Xunta de Galicia.
Foi nomeada conselleira de Política Social o 26 de setembro de 2018 en substitución de José Manuel Rey Varela. Tras a chegada de Alfonso Rueda á presidencia da Xunta en 2022, mantivo o cargo á fronte da Consellería, que pasou a denominarse de Política Social e Igualdade.
No ámbito parlamentario, foi deputada durante a XI lexislatura e renunciou en 2021 para centrarse nas tarefas de goberno. Nas eleccións de 2024 volveu ser elixida deputada pola Coruña.