O autobús sinistrado cubría a liña 573, que cobre o traxecto entre a estación de Rodalies de Sant Celoni e o centro do parque natural do Montseny en Santa Fe e caeu por un terraplén de 20 metros na estrada BV-5114 ao seu paso por Fogars de Montclús (Barcelona). Os equipos mobilizados atenderon a 83 persoas, das cales sete se atopan en estado grave e foron trasladas aos hospitais de Granollers (Barcelona), Josep Trueta (Xirona) e Vall d’Hebron (Barcelona). Outras 18 persoas están menos graves, aínda que unha delas requiriu ser trasladado ao hospital de Granollers, e 58 atópanse leves. O Sistema de Emerxencias Médicas mobilizou a tres equipos de apoio psicolóxico para atender os pasaxeiros do autobús sinistrado. Protección Civil habilitou un centro de acollida en Can Ramis, en Sant Celoni, para atender as persoas afectadas. Os Bombeiros desprazaron 30 dotacións, dúas delas especialistas en rescate de montaña. Algúns dos pasaxeiros saíron polo seu propio pé do vehículo e subiron o terraplén ata a estrada. Outros quedaron atrapados e tiveron que ser evacuados polos equipos de emerxencias.
0