0
O home, que realizaba labores de roza nunha pista forestal, faleceu este mércores ao ser atacado por avespas tras tropezar cun niño en Larouco.
Segundo informaron efectivos de emerxencias, o suceso tivo lugar sobre as 12.00 horas no municipio ourensán de Larouco, cando o home, que realizaba labores de roza dentro dun taller de emprego, tropezou coa máquina nun niño de avespas.
Os insectos asañáronse e picáronlle, provocándolle a morte a pesar dos esforzos do equipo sanitario do 061, que se mobilizou ata o lugar en helicóptero.